Philippians 4

א עַל־כֵּן אַחַי הַחֲבִיבִים וְהַנֶּחְמָדִים שִׂמְחָתִי וַעֲטֶרֶת רׂאשִׁי עִמְדוּ־נָא כֵן בַּאֲדׂנֵינוּ חֲבִיבָי׃

ב אֶת־אַבְהוֹדִיָּה אֲנִי מַזְהִיר וְאֶת־סוּנְטִיכִי אֲנִי מַזְהִיר לִהְיוֹת לֵב־אֶחָד בַּאֲדׂנֵינוּ׃

ג וְאַתָּה חֲבֵרִי הַנִּצְמָד־לִי בֶאֱמֶת אַף־מִמְּךָ אֲנִי מְבַקֵּשׁ לִהְיוֹת לְעֵזֶר לְאׂתָם שֶׁיָּגְעוּ עִמָּדִי עַל־הַבְּשׂוֹרָה עִם־קְלִימִיס וְעִם־שְׁאָר תּׂמְכַי אֲשֶׁר שְׁמוֹתָם יַחַד בְּסֵפֶר הַחַיִּים׃

ד שִׂמְחוּ בַאֲדׂנֵינוּ בְּכָל־עֵת וְעוֹד הַפַּעַם אׂמֵר אֲנִי שְׂמָחוּ׃

ה עַנְוַת רוּחֲכֶם תִּוָּדַע לְכָל־אִישׁ קָרׂב הוּא הָאָדוֹן׃

ו אַל־תִּדְאָגוּ כִּי אִם־בִּתְפִלָּה וּבְתַחֲנוּנִים עִם־תּוֹדָה תָּבֹאנָה מִשְׁאֲלוֹתֵיכֶם לְכָל־דָּבָר לִפְנֵי אֱלׂהֵינוּ׃

ז וּשְׁלוֹם אֱלׂהִים הַנַּעֲלֶה עַל־כָּל־שֵׂכֶל יִנְצׂר אֶת־לְבַבְכֶם וְאֶת־מַחְשְׁבוֹתֵיכֶם בַּמָּשִׁיחַ יֵשׁוּעַ׃

ח סוֹף דָּבָר אַחַי כָּל־אֲשֶׁר הוּא אֱמֶת וְנִכְבָּד וְיָשָׁר וְטָהוֹר וְנָעִים וַאֲשֶׁר שָׁמְעוֹ טוֹב כָּל־מַעֲשֵׂה צֶדֶק כָּל־מַעֲשֵׂה שֶׁבַח עַל־אֵלֶּה תָּשִׂימוּ לְבַבְכֶם׃

ט אֲשֶׁר לְמַדְתֶּם וְקִבַּלְתֶּם וּשְׁמַעְתֶּם וּרְאִיתֶם בִּי אֶת־אֵלֶּה תַעֲשׂוּ וֵאלׂהֵי הַשָּׁלוֹם יִהְיֶה עִמָּכֶם׃

י וַאֲנִי שָׂמַחְתִּי מְאׂד בַּאֲדׂנֵינוּ כִּי־עַתָּה הַפַּעַם הֶחֱלַפְתֶּם כּׂחַ לְהַשְׁגִּיחַ עָלָי וְגַם־מַשְׁגִּיחִים הֱיִיתֶם עַד־כּׂה אֶלָּא שֶׁלּא־עָלְתָה בְיֶדְכֶם׃

יא וְלׂא מִמַּחְסוֹר אֲדַבֵּר כֵּן כִּי לָמַדְתִּי לְהִסְתַּפֵּק בְּמַה־שֶּׁיֵּשׁ לִי׃

יב יׂדֵעַ אֲנִי לַעֲמׂד בְּעׂנִי וְיׂדֵעַ אֲנִי לְהוֹתִיר מֻרְגָּל אֲנִי לְכָל־דָּבָר וְאוֹפָן הֵן לִשְׂבֹּעַ הֵן לִרְעׂב הֵן לַעֲמׂד בְּשֶׁפַע הֵן לַחֲסׂר׃

יג אֶת־כּׂל אוּכַל בְּעֶזְרַת (הַמָּשִׁיחַ) הַנּוֹתֵן לִי כּׂחַ׃

יד אֲבָל הֵיטַבְתֶּם לַעֲשׂוֹת בְּהִתְחַבֶּרְכֶם אֵלַי בְּצָרָתִי׃

טו וְיׂדְעִים גַּם־אַתֶּם פִילִיפִּיִּים שֶׁבְּרֵאשִׁית הַבְּשׂוֹרָה כְּצֵאתִי מִמַּקְדּוֹנְיָא לׂא־הִתְחַבְּרָה לִי אַחַת מִן־הַקְּהִלּוֹת לְמַשָׂא וּמַתָּן כִּי אִם־אַתֶּם בִּלְבָד׃

טז כִּי־גַם בְּתַסְלוֹנִיקִי שְׁלַחְתֶּם לִי אֶת־צְרָכָי פַּעַם וּשְׁתָּיִם׃

יז לׂא שֶׁאֲבַקֵּשׁ אֶת־הַמַּתָּן אֶלָּא אֲבַקֵּשׁ הַפְּרִי אֲשֶׁר־יִרְבֶּה בְּחֶשְׁבֹּנְכֶם׃

יח וַאֲנִי קִבַּלְתִּי אֶת־הַכּׂל וְיֶשׁ־לִי דַּי וְהוֹתֵר וַאֲנִי נִמְלֵאתִי בְּקַבְּלִי מִידֵי אֶפַּפְרוֹדִיטוֹס אֶת־כּׂל אֲשֶׁר־שְׁלַחְתֶּם רֵיחַ נִיחׂחַ זֶבַח עָרֵב וְרָצוּי לֵאלׂהִים׃

יט וֵאלׂהַי הוּא יְמַלֵּא אֶת־כָּל־צָרְכְּכֶם כְּעשֶׁר כְּבוֹדוֹ בַּמָּשִׁיחַ יֵשׁוּעַ׃

כ וְלֵאלׂהִים אָבִינוּ הַכָּבוֹד לְעוֹלְמֵי עוֹלָמִים אָמֵן׃

כא שַׁאֲלוּ לִשְׁלוֹם כָּל־קָדוֹשׁ בַּמָּשִׁיחַ יֵשׁוּעַ הָאַחִים אֲשֶׁר עִמִּי שׁׂאֲלִים לִשְׁלוֹמְכֶם׃

כב כָּל־הַקְּדשִׁים שׁׂאֲלִים לִשְׁלוֹמְכֶם וּבְיוֹתֵר שֶׁל־בֵּית קֵיסָר׃

כג חֶסֶד יֵשׁוּעַ הַמָּשִׁיחַ אֲדׂנֵינוּ עִם רוּחֲכֶם אָמֵן׃