Philippians 3

א וְעוֹד אַחַי שִׂמְחוּ בַאֲדׂנֵינוּ הֵן־לִכְתּׂב וְלִשְׁנוֹת לָכֶם כָּזׂאת לׂא טׂרַח הוּא לִי וְלָכֶם הוּא לְחִזּוּק׃

ב הִזָּהֲרוּ מִן־הַכְּלָבִים הִזָּהֲרוּ מִן־הַפּׂעֲלִים הָרָעִים הִזָּהֲרוּ מִן־הַחִתּוּךְ׃

ג כִּי אֲנַחְנוּ בְּנֵי הַמִּילָה הָעׂבְדִים אֶת־הָאֱלׂהִים בָּרוּחַ וּמִתְפָּאֲרִים בַּמָּשִׁיחַ יֵשׁוּעַ וְאֵינֶנּוּ בֹטְחִים בַּבָּשָׂר׃

ד אַף עַל־פִּי שֶׁגַּם־לִי יֵשׁ לִבְטׂחַ בַּבָּשָׂר וְאִם־יׂאמַר אִישׁ שֶׁיָּכׂל הוּא לִבְטׂחַ בַּבָּשָׂר אֲנִי עַל אַחַת כַּמָּה וְכַמָּה׃

ה שֶׁאֲנִי נִמּוֹל בֶּן־שְׁמוֹנַת יָמִים מִבְּנֵי יִשְׂרָאֵל מִשֵּׁבֶט בִּנְיָמִין עִבְרִי מִן הָעִבְרִים׃

ו לְתוֹרָה פָּרוּשׁ לְקִנְאָה רׂדֵף אֶת־הָעֵדָה וּלְצִדְקַת הַתּוֹרָה בְּלִי־דׂפִי׃

ז וְהַיִּתְרׂנוֹת הָאֵלֶּה חָשַׁבְתִּי לִי לְחֶסְרׂנוֹת לְמַעַן הַמָּשִׁיחַ׃

ח וְגַם אֲנִי חשֵׁב אֶת־הַכּׂל לְחֶסְרוֹן לְעֻמַּת מַעֲלַת דַּעַת יֵשׁוּעַ הַמָּשִׁיחַ אֲדׂנִי אֲשֶׁר בַּעֲבוּרוֹ חִסַּרְתִּי אֶת־נַפְשִׁי מִכָּל־אֵלֶּה וָאֶחְשְׁבֵם לִסְחִי לְהַרְוִיחַ אֶת־הַמָּשִׁיחַ וּלְהִמָּצֵא בוֹ׃

ט וְלׂא תִהְיֶה־לִּי צִדְקָתִי מִתּוֹךְ הַתּוֹרָה כִּי אִם־בֶּאֱמוּנַת הַמָּשִׁיחַ הַצְּדָקָה הַבָּאָה מֵאֵת הָאֱלׂהִים בָּאֱמוּנָה׃

י לָדַעַת אׂתוֹ וְאֶת־גְּבוּרַת תְּחִיָּתוֹ וְחֶבְרַת עִנּוּיָיו וּלְהִדַּמּוֹת לְמוֹתוֹ׃

יא אוּלַי אוּכַל לְהַגִּיעַ לִתְחִיַּת הַמֵּתִים׃

יב לׂא כְּאִלּוּ שֶׁהִשַׂגְתִּי אוֹ שֶׁהָשְׁלַמְתִּי אֲבָל אֶרְדּׂף אוּלַי אַשִׂיג כַּאֲשֶׁר גַּם־הִשִׂיגַנִי הַמָּשִׁיחַ יֵשׁוּעַ׃

יג אַחַי אֵינֶנִּי אׂמֵר שֶׁכְּבָר הִשַׂגְתִּי אַךְ־אַחַת דִּבַּרְתִּי כִּי־שׁׂכֵחַ אֲנִי אֶת־אֲשֶׁר מֵאַחֲרַי וְאֶשְׁתַּטֵּחַ אֶל־אֲשֶׁר לְפָנָי׃

יד וְאֶל־הַמַּטָּרָה אֶרְדּׂף אֶת־שְׂכַר הַנִּצָּחוֹן אֲשֶׁר הוּא בַּקְּרִיאָה שֶׁל־מַעְלָה מֵאֵת הָאֱלׂהִים בַּמָּשִׁיחַ יֵשׁוּעַ׃

טו לָכֵן מִי שֶׁהוּא שָׁלֵם בָּנוּ כֵּן יַחֲשׁׂב וְאִם־תַּחְשְׁבוּ מַחֲשָׁבָה אַחֶרֶת גַּם־זׂאת יְגַלֶּה לָכֶם הָאֱלׂהִים׃

טז רַק אַחַר הִגַּעְנוּ עַד־הֵנָּה אַל־נֵט מִן־הַדָּרֶךְ׃

יז אַחַי הֱיוּ חֲבֵרִים לַהׂלְכִים אַחֲרָי וְהַבִּיטוּ אֶל־הַהׂלְכִים כֵּן כַּאֲשֶׁר אֲנַחְנוּ מוֹפֵת לָכֶם׃

יח כִּי רַבִּים הַהׂלְכִים אֲשֶׁר אָמַרְתִּי לָכֶם פְּעָמִים רַבּוֹת וְעַתָּה גַּם־בִּבְכִי אֲנִי אׂמֵר כִּי־אׂיְבֵי צְלוּב הַמָּשִׁיחַ הֵם׃

יט אֲשֶׁר אַחֲרִיתָם הָאֲבַדּוֹן אֲשֶׁר כְּרֵסָם אֱלׂהֵיהֶם וּכְבוֹדָם בְּבָשְׁתָּם וְקִרְבָּם הַבְלֵי חָלֶד׃

כ כִּי אֶזְרָחוּתֵנוּ בַּשָּׁמַיִם הִיא וּמִשָּׁם מְחַכִּים אֲנַחְנוּ לְמוֹשִׁיעֵנוּ אֲדׂנֵינוּ יֵשׁוּעַ הַמָּשִׁיחַ׃

כא אֲשֶׁר יַחֲלִיף אֶת־גּוּפֵנוּ הַשָּׁפֵל לִהְיׂתוֹ דוֹמֶה לְגוּף כְּבוֹדוֹ כְּפִי־פְעֻלַּת יְכָלְתּוֹ לִכְבּשׁ הַכּׂל תַּחְתָּיו׃