2Timothy 3

א וְזׂאת תֵּדַע כִּי בְּאַחֲרִית הַיָּמִים יָבֹאוּ עִתִּים קָשׁוֹת׃

ב כִּי־יִהְיוּ הָאֲנָשִׁים אׂהֲבֵי עַצְמָם וְאׂהֲבֵי בֶצַע וּמִתְהַלֲלִים וְגֵאִים וּמְגַדְּפִים וּמַמְרִים בַּאֲבוֹתָם וּכְפוּיֵי טוֹבָה וְלׂא חֲסִידִים׃

ג חַסְרֵי אַהֲבָה וּבוֹגְדִים וּמַלְשִׁינִים וְזוֹלְלִים וְאַכְזָרִים וְשׂנְאֵי טוֹב׃

ד וּמׂסְרִים וּפׂחֲזִים וּגְבֹהֵי רוּחַ וְאׂהֲבֵי עֲדָנִים וְלׂא אֱלׂהִים׃

ה וַאֲשֶׁר דְּמוּת חֲסִידוּת לָהֶם וּמְכַחֲשִׁים בְּכׂחָהּ וְאַתָּה סוּר מֵאֵלֶּה׃

ו כִּי־מֵהֶם הַמִּתְגַּנְּבִים אֶל־הַבָּתִּים וְשׁׂבִים נְעָרוֹת טְעוּנוֹת חֲטָאִים וְנִתְעוֹת בְּתַאֲוֹת שׁׂנוֹת׃

ז הַלּמְדוֹת תָּמִיד וּלְעוֹלָם אֵינָן יְכׂלוֹת לָבוֹא לִידִיעַת הָאֱמֶת׃

ח וּכְמוֹ יַנִּיס וְיַמְבְּרִיס אֲשֶׁר־קָמוּ עַל־משֶׁה כֵּן גַּם־אֵלֶּה מִתְקוֹמֲמִים אֶל־הָאֱמֶת אֲנָשִׁים אֲשֶׁר נִשְׁחֲתָה דַעְתָּם וּנְלוֹזִים בָּאֱמוּנָה׃

ט אֲבָל לׂא־יוֹסִיפוּ לְהַצְלִיחַ כִּי שִׁגְעוֹנָם יִגָּלֶה לַכּׂל כַּאֲשֶׁר קָרָה גַּם־אֶת־הָאֲנָשִׁים הָהֵם׃

י וְאַתָּה הָלַכְתָּ אַחֲרַי בַּהוֹרָאָה וּבַהַנְהָגָה וּבָרָצוֹן וּבָאֱמוּנָה וּבְאׂרֶךְ הָרוּחַ וּבָאַהֲבָה וּבַסַּבְלָנוּת׃

יא וּבָרְדִיפוֹת וּבָעִנּוּיִם אֲשֶׁר מְצָאוּנִי בְּאַנְטְיוֹכְיָא וּבְאִיקָנְיוֹן וּבְלוּסְטְרָא כַּמָּה רְדִיפוֹת סָבַלְתִּי וּמִכֻּלָּן הִצִּילַנִי הָאָדוֹן׃

יב וְכָל־הַחֲפֵצִים בַּחֲסִידוּת וְלִחְיוֹת בַּמָּשִׁיחַ יֵשׁוּעַ הֵמָּה יֵרָדֵפוּ׃

יג וַאֲנָשִׁים רָעִים וְקׂסְמִים יוֹסִיפוּ סָרָה לִהְיוֹת מַתְעִים וְנִתְעִים׃

יד אֲבָל אַתָּה עֲמׂד בַּאֲשֶׁר לָמַדְתָּ וּבַאֲשֶׁר הָפְקַד אִתָּךְ כִּי יוֹדֵעַ אַתָּה מִי־הוּא אֲשֶׁר לָמַדְתָּ מִמֶּנּוּ׃

טו וּמִנְּעוּרֶיךָ יָדַעְתָּ אֶת־כִּתְבֵי הַקּׂדֶשׁ הַיְּכׂלִים לְהַחְכִּימְךָ לַיְשׁוּעָה עַל־יְדֵי הָאֱמוּנָה בַּמָּשִׁיחַ יֵשׁוּעַ׃

טז כִּי כָל־הַכָּתוּב נִכְתָּב בְּרוּחַ אֱלׂהִים וּמוֹעִיל לְהוֹרׂת וּלְהוֹכִיחַ וּלְיַשֵּׁר וּלְהַדְרִיךְ בְּמַעְגְּלֵי צֶדֶק׃

יז לְמַעַן אֲשֶׁר־יִהְיֶה אִישׁ הָאֱלׂהִים תָּמִים וּמוּכָן לְכָל־מַעֲשֶׂה טוֹב׃