2Timothy 2

א וְעַתָּה בְּנִי הִתְחַזֵּק בַּחֶסֶד אֲשֶׁר בַּמָּשִׁיחַ יֵשׁוּעַ׃

ב וְאֶת־אֲשֶׁר שָׁמַעְתָּ מִמֶּנִּי בִּפְנֵי עֵדִים רַבִּים תַּפְקִידֶנּוּ בִּידֵי אֲנָשִׁים נֶאֱמָנִים אֲשֶׁר־הֵם כְּשֵׁרִים לְלַמֵּד גַּם אֶת־הָאֲחֵרִים׃

ג וְקַבֵּל הָרָעוֹת כְּגִבּוֹר חַיִל בְּמִלְחֶמֶת יֵשׁוּעַ הַמָּשִׁיחַ׃

ד אִישׁ יׂצֵא לַצָּבָא לׂא יִתְעָרֵב בְּעִסְקֵי הַחַיִּים לְמַעַן יִהְיֶה רָצוּי לְשַׂר הַצָּבָא׃

ה וְגַּם אִם־נֶאֱבַק אִישׁ לׂא יֻכְתַּר אִם־לׂא יֵאָבֵק כַּמִּשְׁפָּט׃

ו הָאִכָּר הָעׂבֵד הוּא יׂאכֵל רִאשׁוֹנָה מִפְּרִי הָאֲדָמָה׃

ז בִּין בַּאֲשֶׁר־אֲנִי אׂמֵר כִּי הָאָדוֹן יִתֶּן־לְךָ חָכְמָה בְּכָל־דָּבָר׃

ח זָכוֹר תִּזְכּׂר אֵת יֵשׁוּעַ הַמָּשִׁיחַ הַנֵּעוֹר מִן־הַמֵּתִים אֲשֶׁר הוּא מִזֶּרַע דָּוִד כִּבְשׂוֹרָתִי׃

ט אֲשֶׁר בַּעֲבוּרָהּ אֲנִי נׂשֵׂא רָעוֹת עַד לַמּוֹסֵרוֹת כְּעׂשֶׂה עָוֶל אֲבָל דְּבַר הָאֱלׂהִים אֵינֶנּוּ חָבוּשׁ׃

י וְעַל־כֵּן אֶסְבֹּל אֶת־כּׂל לְמַעַן הַבְּחִירִים לְמַעַן יַשִׂיגוּ גַם־הֵמָּה אֶת־הַתְּשׁוּעָה בַּמָּשִׁיחַ יֵשׁוּעַ עִם־כְּבוֹד עוֹלָמִים׃

יא אֱמֶת הַדָּבָר הַזֶּה כִּי אִם־מַתְנוּ אִתּוֹ גַּם־אִתּוֹ נִחְיֶה׃

יב אִם־נִסְבֹּל גַּם־נִמְלׂךְ אִתּוֹ וְאִם־נְכַחֶשׁ־בּוֹ גַּם־הוּא יְכַחֶשׁ־בָּנוּ׃

יג אִם־לׂא נַאֲמִין הִנֵּה הוּא קַיָּם בֶּאֱמוּנָתוֹ כִּי לׂא יוּכַל לְכַחֵשׁ בְּעַצְמוֹ׃

יד זׂאת הַזְכֵּר לָהֶם וְהָעֵד לִפְנֵי הָאָדוֹן שֶׁלּא לַעֲסׂק בְּתוֹכַחַת מִלִּים לׂא לְהוֹעִיל רַק לְעַוֵּת דַּעַת הַשּׁׂמְעִים׃

טו הֱיֵה שָׁקוּד לְהִתְיַצֵּב נֶאֱמָן לִפְנֵי אֱלׂהִים וּכְפׂעֵל אֲשֶׁר לׂא־יֵבוֹשׁ הַמְחַלֵּק עַל־נָכוֹן דְּבַר הָאֱמֶת׃

טז אֲבָל תִּרְחַק מִדִּבְרֵי הֶבֶל הַפְּסוּלִים כִּי יוֹסִיפוּ הַרְבּוֹת רֶשַׁע׃

יז וְשִׂיחָתָם כְּרָקָב תּׂאכַל סָבִיב וּמֵהֶם הוּמְנִיּוֹס וּפִילִיטוֹס׃

יח אֲשֶׁר תָּעוּ מִן־הָאֱמֶת בְּאָמְרָם כְּבָר הָיְתָה תְּחִיַּת הַמֵּתִים וַיְבַלְבְּלוּ אֱמוּנַת אֲחָדִים׃

יט וִיסוֹד הָאֱלׂהִים אֵיתָן לׂא יִמּוֹט וְזֶה חוֹתָמוֹ יׂדֵעַ יְהוָֹה אֵת אֲשֶׁר־לוֹ וְכָל־הַקּוֹרֵא בְּשֵׁם יְהוָֹה יָסוּר מֵעָוֶל׃

כ וּבְבַיִת גָּדוֹל לׂא־כְלֵי כֶסֶף וְזָהָב בִּלְבַד אֶלָּא גַם־שֶׁל־עֵץ וְשֶׁל־חֶרֶשׂ וּמֵהֶם לְכָבוֹד וּמֵהֶם לְבִזָּיוֹן׃

כא וְהִנֵּה אִם־טִהַר אִישׁ אֶת־נַפְשׁוֹ מֵאֵלֶּה יִהְיֶה כְלִי לְכָבוֹד מְקֻדָּשׁ וּמוֹעִיל לָאָדוֹן מוּכָן לְכָל־מַעֲשֶׂה טוֹב׃

כב בְּרַח־לְךָ מִתַּאֲוֹת הַנְּעוּרִים וּרְדׂף צֶדֶק וֶאֱמוּנָה וְאַהֲבָה וְשָׁלוֹם עִם־כּׂל הַקּׂרְאִים אֶל־אֲדׂנָי בְּלֵב טָהוֹר׃

כג וְהַרְחֵק מִן־הַשְּׁאֵלוֹת הַתְּפֵלוֹת בְּאֵין מוּסָר מִדַּעְתְּךָ כִּי־אַךְ מְרִיבוֹת מוֹלִידוֹת הֵנָּה׃

כד וְעֶבֶד הָאָדוֹן לׂא יָרִיב אַךְ יְהִי־נוֹחַ לַכּׂל וּמֵבִין לְלַמֵּד וְסַבְלָן׃

כה וּמְיַסֵּר בַּעֲנָוָה אֶת־הַמַּכְחִישִׁים אוּלַי יִתֵּן הָאֱלׂהִים בִּלְבָבָם לָשׁוּב וְלָדַעַת הָאֱמֶת׃

כו וְיָעִירוּ מֵרֶשֶׁת הַשָׂטָן אֲשֶׁר צָדָם בָּהּ לִרְצוֹנוֹ׃