1Timothy 6

א כּׂל אֲשֶׁר־עׂל הָעַבְדוּת עֲלֵיהֶם יִהְיוּ אֲדׂנֵיהֶם בְּעֵינֵיהֶם רְאוּיִם לְכָל־כָּבוֹד לְמַעַן אֲשֶׁר לׂא־יְחֻלַּל שֵׁם הָאֱלׂהִים וְהַלֶּקַח׃

ב וְאׂתָם שֶׁאֲדׂנֵיהֶם מַאֲמִינִים אַל־יֵקַלּוּ בְעֵינֵיהֶם מִפְּנֵי שֶׁהֵם אַחִים כִּי אִם־יַעַבְדוּ אׂתָם יוֹתֵר מִפְּנֵי שֶׁמַּאֲמִינִים וַאֲהוּבִים הֵם הַמְקַבְּלִים אֶת־הַטּוֹבָה אֶת־זׂאת תְּלַמֵּד וּתְצַוֶּה׃

ג הָאִישׁ אֲשֶׁר יוֹרֶה תּוֹרָה אַחֶרֶת וְלׂא יַעֲמׂד בְּדִבְרֵי אֲדׂנֵינוּ יֵשׁוּעַ הַמָּשִׁיחַ הַבְּרִיאִים וּבְלֶקַח הַחֲסִידוּת׃

ד נַפְשׁוֹ עֻפְּלָה וְלׂא יָדַע מְאוּמָה כִּי אִם־חׂלֶה הוּא בִּשְׁאֵלוֹת וְתוֹכְחוֹת מִלִּים הַמּוֹלִידוֹת קִנְאָה וּמְרִיבָה וְגִדּוּפִים וַחֲשָׁד רָע׃

ה וִכּוּחֵי הֶבֶל מֵאֲנָשִׁים נִשְׁחֲתֵי דַעַת וּמְחֻסְּרֵי אֱמֶת הַשָׂמִים אֶת־הַחֲסִידוּת לִדְבַר בָּצַע (סוּר מֵאֲנָשִׁים כָּאֵלֶּה)׃

ו וְאָמְנָם בֶּצַע גָּדוֹל הִיא הַחֲסִידוּת עִם־לֵב שָׂמֵחַ בְּחֶלְקוֹ׃

ז כִּי בָאנוּ לָעוֹלָם וְאֵין בְּיָדֵינוּ מְאוּמָה וְיָדוּעַ שֶׁאַף נֵצֵא מִמֶּנּוּ וְאֵין בְּיָדֵינוּ מְאוּמָה׃

ח וְעַל־כֵּן אִם מָזוֹן וּכְסוּת לָנוּ נִסְתַּפְּקָה בָּהֶם׃

ט אֲבָל הַמְבַקְשִׁים לְהַעֲשִׁיר יָבֹאוּ לִידֵי נִסָּיוֹן וְיִפְּלוּ בְמוֹקְשִׁים וּבְרׂב תַּאֲוֹת סְכָלוֹת וּמַשְׁחִיתוֹת הַמַּשְׁקִיעוֹת אֶת־הָאָדָם בַּשַּׁחַת וּבָאֲבַדּוֹן׃

י כִּי שׁׂרֶשׁ כָּל־הָרָעוֹת אַהֲבַת הַכָּסֶף וְיֵשׁ לְהוּטִים אַחֲרָיו אֲשֶׁר סָרוּ מִן־הָאֱמוּנָה וַיַּעֲצִיבוּ אֶת־נַפְשָׁם בְּמַכְאׂבִים רַבִּים׃

יא וְאַתָּה אִישׁ הָאֱלׂהִים בְּרַח־לְךָ מֵאֵלֶּה וּרְדׂף צְדָקָה וַחֲסִידוּת וֶאֱמוּנָה וְאַהֲבָה וְסַבְלָנוּת וַעֲנָוָה׃

יב הִלָּחֵם הַמִּלְחָמָה הַטּוֹבָה מִלְחֶמֶת הָאֱמוּנָה וֶאֱחׂז אֶת־חַיֵּי הָעוֹלָמִים אֲשֶׁר נִקְרֵאתָ לָהֶם וְהוֹדֵיתָ הוֹדָאָה יָפָה בִּפְנֵי עֵדִים רַבִּים׃

יג הִנְנִי מְצַוְּךָ נֶגֶד הָאֱלׂהִים הַמְחַיֶּה אֶת־כּׂל וְנֶגֶד הַמָּשִׁיחַ יֵשׁוּעַ אֲשֶׁר הֵעִיד הַהוֹדָאָה הַיָּפָה לִפְנֵי פָּנְטִיּוֹס פִּילָטוֹס׃

יד אֲשֶׁר תִּשְׁמׂר אֶת־הַמִּצְוָה בְּאֵין־שֶׁמֶץ וָדׂפִי עַד־הוֹפָעַת הַמָּשִׁיחַ יֵשׁוּעַ אֲדׂנֵינוּ׃

טו אֲשֶׁר יַרְאֶנָּה בְעִתָּהּ הַמְבֹרָךְ וְהַשַּׁלִּיט לְבַדּוֹ מֶלֶךְ הַמְּלָכִים וַאֲדׂנֵי הָאֲדׂנִים׃

טז אֲשֶׁר הוּא לְבַדּוֹ חַי וְקַיָּם וְהוּא שׁׂכֵן אוֹר נִשְׂגָּב וְאִישׁ לׂא רָאָהוּ וְלׂא יוּכַל לִרְאוֹתוֹ וְלוֹ הַכָּבוֹד וּגְבוּרַת עוֹלָמִים אָמֵן׃

יז אֶת־עֲשִׁירֵי הָעוֹלָם הַזֶּה תְּצַוֶּה שֶׁלּא יָרוּם לְבָבָם וְלׂא־יִבְטְחוּ בָּעׂשֶׂר הַבּוֹגֵד כִּי אִם־בֵּאלׂהִים חַיִּים הַמַּסְפִּיק לָנוּ דַּי וְהוֹתֵר לִשְׂבֹּעַ׃

יח וְיִגְמְלוּ טוֹב וְיַעְשִׁירוּ בְּמַעֲשִׂים טוֹבִים לָתֵת מֵהוֹנָם וְלַעֲזׂר לְזוּלָתָם׃

יט וְיַאַצְרוּ לָהֶם אוֹצָר לִיסוֹד טוֹב לֶעָתִיד לָבֹא לְמַעַן יַשִׂיגוּ אֶת־חַיֵּי הָאֱמֶת׃

כ אַתָּה טִימוֹתִיּוֹס שְׁמׂר אֶת־הַפִּקָּדוֹן וְהִתְרַחֵק מִדִּבְרֵי הֶבֶל הַפְּסוּלִים וּמִן־וִכּוּחֵי הַמַּדָּע הַנִּקְרָא כֵן בְּטָעוּת׃

כא אֲשֶׁר יֵשׁ מִתְפָּאֲרִים בּוֹ וַיִּתְעוּ מִן־הָאֱמוּנָה. הַחֶסֶד עִמָּךְ אָמֵן׃