1Timothy 3

א אֱמֶת הַדָּבָר אִישׁ כִּי־יְבַקֵּשׁ לִהְיוֹת הֶגְמוֹן לְמַעֲשֶׂה טוֹב מִתְאַוֶּה׃

ב וְהֶגְמוֹן הָעֵדָה צָרִיךְ לִהְיוֹת בְּאֵין דּׂפִי בַּעַל־אִשָּׁה אַחַת משֵׁל בְּרוּחוֹ צָנוּעַ וְנֶחְמָד לַבְּרִיּוֹת מַכְנִיס אׂרְחִים וּמֵבִין לְלַמֵּד וְלׂא אׂהֵב יַיִן וְלׂא־בַעַל אֶגְרׂף (וְלׂא בֹצֵעַ בֶּצַע רָע)׃

ג כִּי אִם־דָּן לְכַף־זְכוּת וְלׂא אִישׁ מִדְיָנִים וְלׂא אׂהֵב כָּסֶף׃

ד וִיהִי מַנְהִיג אֶת־בֵּיתוֹ בְּטוֹב וּמַדְרִיךְ אֶת־בָּנָיו לְמִשְׁמַעְתּוֹ בְּכָל־הַיּשֶׁר׃

ה כִּי אִם־לׂא יֵדַע אִישׁ לְהַנְהִיג אֶת־בֵּיתוֹ אֵיכָכָה יוּכַל לְהַשְׁגִּיחַ עַל־עֲדַת אֱלׂהִים׃

ו וְאַל־יְהִי תַּלְמִיד חָדָשׁ פֶּן־יִרְהַב לִבּוֹ וְיִפּׂל בְּדִין הַמַּשְׂטִין׃

ז וְהוּא גַם־צָרִיךְ הֱיוֹת לוֹ שֵׁם טוֹב בְּפִי אׂתָם שֶׁבַּחוּץ פֶּן־יִפּׂל בְּחֶרְפָּה וּבְמוֹקֵשׁ הַמַּשְׂטִין׃

ח וְכֵן גַּם־הַשַּׁמָּשִׁים יִהְיוּ יְשָׁרִים וְלׂא מַחֲלִיקֵי לָשׁוֹן וְלׂא אׂהֲבִים סְבֹא־יַיִן וְלׂא נׂטִים אַחֲרֵי בֶצַע־רָע׃

ט כִּי אִם־יִשְׁמְרוּ אֶת־סוֹד הָאֱמוּנָה בְּרוּחַ טְהוֹרָה׃

י וְגַם־הֵם יִבָּחֲנוּ בָרִאשׁׂנָה וְאַחַר כֵּן יְשַׁמְּשׁוּ אִם־אֵין בָּהֶם דּׂפִי׃

יא וְכֵן הַנָּשִׁים תִּהְיֶינָה יְשָׁרוֹת וְלׂא מַלְשִׁינוֹת משְׁלוֹת בְּרוּחָן וְנֶאֱמָנוֹת בַּכּׂל׃

יב הַשַּׁמָּשִׁים יִהְיוּ כָל־אֶחָד בַּעַל־אִשָּׁה אֶחָת וּמְנַהֲלִים בְּטוֹב אֶת־בְּנֵיהֶם וְאֶת־בָּתֵּיהֶם׃

יג כִּי הַמְשַׁמְּשִׁים כַּהׂגֶן יִקְנוּ לְנַפְשָׁם מַעֲלָה טוֹבָה וּבִטָּחוֹן רַב בֶּאֱמוּנַת הַמָּשִׁיחַ יֵשׁוּעַ׃

יד זׂאת אֲנִי כׂתֵב לְךָ וַאֲקַוֶּה לָבֹא אֵלֶיךָ בִּמְהֵרָה׃

טו וְאִם־אֶתְמַהְמַהּ הִנֵּה תֵדַע אֵיךְ לְהִתְנַהֵג בְּבֵית הָאֱלׂהִים אֲשֶׁר הִיא עֲדַת אֱלׂהִים חַיִּים עַמּוּד הָאֱמֶת וּמְכוֹנָהּ׃

טז וּבְוַדָּי גָּדוֹל סוֹד הַחֲסִידוּת אֲשֶׁר נִגְלָה בַבָּשָׂר נִצְדַּק בָּרוּחַ נִרְאָה לַמַּלְאָכִים הֻגַּד בַּגּוֹיִם נִתְקַבֵּל בֶּאֱמוּנָה בָּעוֹלָם נַעֲלָה בְּכָבוֹד׃