1John 5

א כָּל־הַמַּאֲמִין כִּי יֵשׁוּעַ הוּא הַמָּשִׁיחַ הוּא נוֹלָד מֵאֱלׂהִים וְכָל־הָאׂהֵב אֶת־מוֹלִידוֹ יֶאֱהַב גַּם אֶת־הַנּוֹלָד מֵאִתּוֹ׃

ב בְּזׂאת נֵדַע כִּי נֶאֱהַב אֶת־בְּנֵי הָאֱלׂהִים בְּאַהֲבָתֵנוּ אֶת־הָאֱלׂהִים וּבְשָׁמְרֵנוּ אֶת־מִצְוֹתָיו׃

ג כִּי זׂאת אַהֲבַת אֱלׂהִים אֲשֶׁר נִשְׁמׂר אֶת־מִצְוֹתָיו וּמִצְוֹתָיו בִּלְתִּי קָשׁוֹת הֵנָּה׃

ד כִּי־כׂל הַנּוֹלָד מֵאֵת הָאֱלׂהִים מְנַצֵּחַ אֶת־הָעוֹלָם וֶאֱמוּנָתֵנוּ הִיא הַנִּצָּחוֹן הַמְּנַצֵּחַ אֶת־הָעוֹלָם׃

ה מִי הַמְּנַצֵּחַ אֶת־הָעוֹלָם כִּי אִם־הַמַּאֲמִין בְּיֵשׁוּעַ שֶׁהוּא בֶּן־הָאֱלׂהִים׃

ו זֶה הוּא אֲשֶׁר־בָּא בְּמַיִם וּבְדָם (וּבְרוּחַ) יֵשׁוּעַ הַמָּשִׁיחַ לׂא בְּמַיִם בִּלְבַד כִּי אִם־בַּמַּיִם וּבַדָּם וְהָרוּחַ הוּא הַמֵּעִיד כִּי הָרוּחַ הוּא הָאֱמֶת׃

ז כִּי שְׁלׂשָׁה הַמְּעִידִים בַּשָּׁמַיִם הָאָב הַדָּבָר וְרוּחַ הַקּׂדֶשׁ וּשְׁלָשְׁתָּם אֶחָד הֵמָּה׃

ח וּשְׁלׂשָׁה הֵמָּה הַמְּעִידִים בָּאָרֶץ הָרוּחַ הַמַּיִם וְהַדָּם וּשְׁלָשְׁתָּם עֵדוּת אֶחָת׃

ט הֵן־נְקַבֵּל עֵדוּת בְּנֵי אָדָם וְעֵדוּת הָאֱלׂהִים הֲלׂא גְדוֹלָה מִמֶּנָּה כִּי זׂאת הִיא עֵדוּת הָאֱלׂהִים אֲשֶׁר הֵעִיד עַל־בְּנוֹ׃

י הַמַּאֲמִין בְּבֶן־הָאֱלׂהִים יֶשׁ־לוֹ עֵדוּת בְּנַפְשׁוֹ וַאֲשֶׁר לׂא יַאֲמִין לֵאלׂהִים לְכׂזֵב שָׂמָהוּ יַעַן לׂא־הֶאֱמִין בָּעֵדוּת אֲשֶׁר הֵעִיד הָאֱלׂהִים עַל־בְּנוֹ׃

יא וְזׂאת הִיא הָעֵדוּת כִּי חַיֵּי עוֹלָם נָתַן לָנוּ הָאֱלׂהִים וְהַחַיִּים הָאֵלֶּה בִּבְנוֹ הֵמָּה׃

יב אֲשֶׁר יֶשׁ־לוֹ הַבֵּן יֶשׁ־לוֹ הַחַיִּים וַאֲשֶׁר אֵין־לוֹ בֶּן־הָאֱלׂהִים אֵין לוֹ הַחַיִּים׃

יג זׂאת כָּתַבְתִּי אֲלֵיכֶם לְמַעַן תֵּדְעוּן שֶׁחַיֵּי עוֹלָם לָכֶם הַמַּאֲמִינִים בְּשֵׁם בֶּן־הָאֱלׂהִים׃

יד וּבִטְחוֹנֵנוּ בוֹ שֶׁאִם־נִשְׁאַל דָּבָר כִּרְצוֹנוֹ יִשְׁמַע בְּקוֹלֵנוּ׃

טו וּלְפִי שֶׁיּׂדְעִים אֲנַחְנוּ כִּי יִשְׁמַע בְּקוֹלֵנוּ לְכָל־אֲשֶׁר נִשְׁאָל נֵדַע גַּם־זׂאת כִּי הוּא מְמַלֵּא מִשְׁאֲלוֹתֵינוּ׃

טז אִישׁ כִּי־יִרְאֶה אֶת־אָחִיו חוֹטֵא חַטָּאת אֲשֶׁר אֵינֶנָּה לַמָּוֶת שָׁאׂל יִשְׁאַל בַּעֲדוֹ וְיִתֶּן־לוֹ חַיִּים לְכָל־אֲשֶׁר חָטְאוּ וְלׂא לַמָּוֶת הֶן־יֵשׁ חֵטְא מָוֶת עַל־זֶה לׂא אׂמַר לִשְׁאוֹל בַּעֲדוֹ׃

יז כָּל־מַעֲשֵׂה עָוֶל חֵטְא הִיא וְיֵשׁ חַטָּאת אֲשֶׁר אֵינֶנָּהּ לַמָּוֶת׃

יח יָדַעְנוּ כִּי כָל־הַנּוֹלָד מֵאֵת הָאֱלׂהִים לׂא יֶחֱטָא כִּי אֲשֶׁר יֻלַּד מֵאֵת הָאֱלׂהִים יִשְׁמׂר אֶת־נַפְשׁוֹ וְהָרַע לׂא־יִגַּע בּוֹ׃

יט יָדַעְנוּ כִּי מֵאֱלׂהִים אֲנָחְנוּ וְכָל־הָעוֹלָם בְּרָע הוּא׃

כ וְיָדַעְנוּ כִּי בָא בֶּן־אֱלׂהִים וַיִּתֶּן־לָנוּ בִינָה לָדַעַת אֶת־הָאֲמִתִּי וּבָאֲמִתִּי אֲנַחְנוּ בִּבְנוֹ יֵשׁוּעַ הַמָּשִׁיחַ זֶה הוּא הָאֵל הָאֲמִתִּי וְחַיֵּי הָעוֹלָמִים׃

כא בָּנַי הִשָּׁמְרוּ לָכֶם מִן־הָאֱלִילִים אָמֵן׃