1John 2

א בָּנַי הִנְנִי כׂתֵב אֲלֵיכֶם אֶת־הַדְּבָרִים הָאֵלֶּה לְבִלְתִּי תֶחֱטָאוּ וְאִם־יֶחֱטָא אִישׁ יֶשׁ־לָנוּ לִפְנֵי אָבִינוּ מֵלִיץ יֵשׁוּעַ הַמָּשִׁיחַ הַצַּדִּיק׃

ב וְהוּא כַּפָּרָה עַל־חַטּׂאתֵינוּ וְלׂא עַל־חַטּׂאתֵינוּ בִלְבַד כִּי גַּם־עַל־חַטּׂאת כָּל־הָעוֹלָם׃

ג וּבָזׂאת נֵדַע כִּי הִכַּרְנוּ אוֹתוֹ אִם־נִשְׁמׂר אֶת־מִצְוֹתָיו׃

ד הָאׂמֵר הִכַּרְתִּיו וְאֶת־מִצְוֹתָיו לׂא יִשְׁמׂר דּׂבֵר שֶׁקֶר הוּא וְהָאֱמֶת אֵין בּוֹ׃

ה אֲבָל הַשּׁׂמֵר אֶת־דְּבָרוֹ בּוֹ נִשְׁלְמָה בֶאֱמֶת אַהֲבַת אֱלׂהִים וּבָזׂאת נֵדַע כִּי־בוֹ אֲנָחְנוּ׃

ו הָאׂמֵר שֶׁהוּא עׂמֵד בּוֹ כַּאֲשֶׁר הִתְהַלֵּךְ הוּא כֵּן יִתְהַלָּךְ׃

ז אַחַי לׂא מִצְוָה חֲדָשָׁה כּׂתֵב אֲנִי לָכֶם כִּי אִם־מִצְוָה יְשָׁנָה אֲשֶׁר הָיְתָה לָכֶם מֵרׂאשׁ וְהַמִּצְוָה הַיְשָׁנָה הִיא הַדָּבָר אֲשֶׁר שְׁמַעְתֶּם׃

ח וְעוֹד מִצְוָה חֲדָשָׁה אֲנִי כׂתֵב לָכֶם וְהִיא נֶאֱמָנָה גַּם־בּוֹ גַּם־בָּכֶם מִפְּנֵי שֶׁהַחׂשֶׁךְ עׂבֵר וְהָאוֹר הָאֲמִתִּי כְּבָר זָרָח׃

ט הָאוֹמֵר בָּאוֹר אָנִי וְהוּא שׂנֵא אֶת־אָחִיו עוֹדֶנּוּ בַּחׂשֶׁךְ׃

י הָאׂהֵב אֶת־אָחִיו עׂמֵד בָּאוֹר וּמִכְשׁוֹל אֵין בּוֹ׃

יא וְהַשּׂנֵא אֶת־אָחִיו בַּחׂשֶׁךְ הוּא וּבַחׂשֶׁךְ יִתְהַלֵּךְ וְלׂא יֵדַע אָנָה הוּא הׂלֵךְ כִּי הַחׂשֶׁךְ עִוֵּר אֶת־עֵינָיו׃

יב הִנְנִי כׂתֵב אֲלֵיכֶם הַבָּנִים יַעַן כִּי־נִסְלְחוּ לָכֶם חַטּׂאתֵיכֶם לְמַעַן שְׁמוֹ׃

יג כּׂתֵב אֲנִי אֲלֵיכֶם הָאָבוֹת יַעַן כִּי הִכַּרְתֶּם אֵת אֲשֶׁר־מֵרׂאשׁ כּׂתֵב אֲנִי אֲלֵיכֶם הַבַּחוּרִים יַעַן כִּי הִתְגַּבַּרְתֶּם עַל־הָרָע כָּתַבְתִּי אֲלֵיכֶם הַיְלָדִים יַעַן כִּי־הִכַּרְתֶּם אֶת־הָאָב׃

יד כָּתַבְתִּי אֲלֵיכֶם הָאָבוֹת יַעַן כִּי הִכַּרְתֶּם אֵת אֲשֶׁר־מֵרׂאשׁ כָּתַבְתִּי אֲלֵיכֶם הַבַּחוּרִים יַעַן כִּי־חֲזַקְתֶּם וּדְבַר הָאֱלׂהִים שׁׂכֵן בְּקִרְבְּכֶם וְהִתְגַּבַּרְתֶּם עַל־הָרָע׃

טו אַל תְּאֵהֲבוּ אֶת־הָעוֹלָם וְאֶת־דִּבְרֵי הָעוֹלָם אִישׁ כִּי־יֶאֱהַב אֶת־הָעוֹלָם אֵין־בּוֹ אַהֲבַת הָאָב׃

טז כִּי כּׂל אֲשֶׁר בָּעוֹלָם חֵשֶׁק הַבָּשָׂר וְתַאֲוַת הָעֵינַיִם וְגֵאוּת הַנְּכָסִים לׂא מִן־אָבִינוּ הוּא כִּי אִם־מִן־הָעוֹלָם׃

יז וְהָעוֹלָם עָבוֹר יַעֲבֹר עִם־תַּאֲוֹתָיו וְהָעׂשֶׂה רְצוֹן אֱלׂהִים יַעֲמׂד לָעַד׃

יח יְלָדַי הִנֵּה הַשָּׁעָה הָאַחֲרוֹנָה בָּאָה וְכַאֲשֶׁר שְׁמַעְתֶּם שֶׁיָּבֹא שׂטֵן הַמָּשִׁיחַ כֵּן עַתָּה רַבּוּ שׂטְנֵי הַמָּשִׁיחַ וּבָזׂאת נֵדַע שֶׁהִיא הַשָּׁעָה הָאַחֲרוֹנָה׃

יט מִקִּרְבֵּנוּ יָצְאוּ אֲבָל לׂא־מֵאִתָּנוּ הָיוּ כִּי לוּ הָיוּ מֵאִתָּנוּ כִּי אָז הָיוּ עׂמְדִים עִמָּנוּ אַךְ יָצְאוּ לְמַעַן יִוָּדַע כִּי לׂא כֻלָּם מֵאִתָּנוּ הֵמָּה׃

כ וְאַתֶּם לָכֶם הַמִּשְׁחָה מֵאֵת הַקָּדוֹשׁ וִידַעְתֶּם הַכּׂל׃

כא לׂא כָתַבְתִּי אֲלֵיכֶם מִפְּנֵי שֶׁלּא־יְדַעְתֶּם אֶת־הָאֱמֶת כִּי־יְדַעְתֶּם אׂתָהּ וִידַעְתֶּם שֶׁכָּל־דְּבַר שֶׁקֶר לׂא מִן־הָאֱמֶת הוּא׃

כב מִי הוּא הַדּׂבֵר שֶׁקֶר כִּי אִם־הַמְכַחֵשׁ בְּיֵשׁוּעַ לֵאמׂר לׂא הַמָּשִׁיחַ הוּא זֶה הוּא שׂוֹטֵן הַמָּשִׁיחַ הַמְכַחֵשׁ בָּאָב וּבַבֵּן׃

כג כָּל־הַמְכַחֵשׁ בַּבֵּן גַּם־הָאָב אֵין־לוֹ וְהַמּוֹדֶה בַבֵּן לוֹ גַּם־הָאָב׃

כד וְאַתֶּם יָקָם־נָא בָכֶם הַדָּבָר אֲשֶׁר שְׁמַעְתֶּם מֵרׂאשׁ וְאִם־יָקוּם בָּכֶם אֲשֶׁר שְׁמַעְתֶּם מֵרׂאשׁ גַּם־אַתֶּם תָּקוּמוּ בַּבֵּן וּבָאָב׃

כה וְהַהַבְטָחָה אֲשֶׁר הִבְטִיחָנוּ הִיא חַיֵּי הָעוֹלָמִים׃

כו זׂאת כָּתַבְתִּי אֲלֵיכֶם מִפְּנֵי הַמַּתְעִים אֶתְכֶם׃

כז וְאַתֶּם הַמִּשְׁחָה אֲשֶׁר קִבַּלְתֶּם מֵאִתּוֹ עׂמֶדֶת בָּכֶם וְלׂא תִצְטָרֲכוּ לְאִישׁ שֶׁיְּלַמֵּד אֶתְכֶם כִּי אִם־כַּאֲשֶׁר תְּלַמֶּדְכֶם הַמִּשְׁחָה לְכָל־דָּבָר הוּא הָאֱמֶת וְלׂא שֶׁקֶר וְכַאֲשֶׁר לִמְּדָה אֶתְכֶם כֵּן תַּעַמְדוּ בוֹ׃

כח וְעַתָּה בָנִים עִמְדוּ בוֹ לְמַעַן יֶאֱמַץ לִבֵּנוּ בְּהֵרָאוֹתוֹ וְלׂא־נֵבוֹשׁ מִפָּנָיו בְּבוֹאוֹ׃

כט אִם־יְדַעְתֶּם כִּי־צַדִּיק הוּא דְּעוּ־נָא כִּי כָּל־עׂשֵׂה צְדָקָה נוֹלָד מִמֶּנּוּ׃