Galatians 5

א וְעַתָּה עִמְדוּ־נָא בַחֵרוּת אֲשֶׁר שִׁחֲרַר אׂתָנוּ הַמָּשִׁיחַ וְאַל־תָּשׁוּבוּ לְהִכָּבֵשׁ בְּעׂל הָעַבְדוּת׃

ב הִנֵּה אֲנִי פוֹלוֹס אׂמֵר לָכֶם שֶׁאִם־תִּמּוֹלוּ לׂא־יוֹעִיל לָכֶם הַמָּשִׁיחַ׃

ג וּמֵעִיד אֲנִי עוֹד הַפַּעַם בְּכָל־אִישׁ אֲשֶׁר יִמּוֹל שֶׁחַיָּב הוּא לִשְׁמׂר אֶת־הַתּוֹרָה כֻלָּהּ׃

ד נִגְזַרְתֶּם מִן־הַמָּשִׁיחַ אַתֶּם הַמִּצְטַדְּקִים בַּתּוֹרָה אֲבַדְתֶּם מִן־הֶחָסֶד׃

ה כִּי־אֲנַחְנוּ בָּרוּחַ נְיַחֵל מִתּוֹךְ הָאֱמוּנָה לְתִקְוַת הַצְּדָקָה׃

ו כִּי בַמָּשִׁיחַ לׂא הַמִּילָה תֵּחָשֵׁב וְלׂא הָעָרְלָה כִּי אִם־הָאֱמוּנָה הַפּׂעֶלֶת בְּאַהֲבָה׃

ז הֵיטַבְתֶּם לָרוּץ מִי חָשַׂךְ אֶתְכֶם מִשְּׁמׂעַ אֶל־הָאֱמֶת׃

ח הַפִּתּוּי הַזֶּה אֵינֶנּוּ מֵאֵת הַקּׂרֵא אֶתְכֶם׃

ט מְעַט שְׂאׂר מְחַמֵּץ אֶת־כָּל־הָעִסָּה׃

י מֻבְטָח אֲנִי בָכֶם בָּאָדוֹן כִּי לׂא תִהְיֶה רוּחַ אַחֶרֶת עִמָּכֶם וְהָעׂכֵר אֶתְכֶם יִשָׂא אֶת־עֲוֹנוֹ יִהְיֶה מִי שֶׁיִּהְיֶה׃

יא וַאֲנִי אַחַי אִם־אַכְרִיז עוֹד הַמִּילָה עַל־מָה אֶהְיֶה נִרְדָּף הֲלׂא מְבֻטָּל מִכְשׁוֹל הַצְּלוּב׃

יב מִי יִתֵּן וְיִכָּרְתוּ הַמַּדִּיחִים אֶתְכֶם׃

יג כִּי אַתֶּם אַחַי לַחֵרוּת נִקְרֵאתֶם וּבִלְבַד שֶׁלּא תִהְיֶה הַחֵרוּת סִבָּה לַבָּשָׂר אֶלָּא שֶׁתַּעַבְדוּ אִישׁ אֶת־רֵעֵהוּ בְּאַהֲבָה׃

יד כִּי כָל־הַתּוֹרָה כְּלוּלָה בַּמִּצְוָה הָאַחַת הַזּׂאת וְאָהַבְתָּ לְרֵעֲךָ כָּמוֹךָ׃

טו אֲבָל אִם־תְּנַשְּׁכוּ וְתׂאכְלוּ אִישׁ אֶת־אָחִיו רְאוּ פֶּן־תְּכֻלּוּ אִישׁ עַל־יְדֵי רֵעֵהוּ׃

טז וְהִנְנִי אׂמֵר הִתְהַלְּכוּ בָּרוּחַ וְלׂא תְמַלְאוּ אֶת־תַּאֲוֹת הַבָּשָׂר׃

יז כִּי הַבָּשָׂר מִתְאַוֶּה הֶפֶךְ מִן־הָרוּחַ וְהָרוּחַ הֶפֶJ מִן־הַבָּשָׂר וּשְׁנֵיהֶם מִתְקוֹמֲמִים זֶה לָזֶה וּבְכֵן אֵין אַתֶּם עׂשִׂים אֵת אֲשֶׁר תַּחְפּׂצוּ׃

יח וְאִם־יִהְיֶה הָרוּחַ מַנְהִיגְכֶם אָז אֵינְכֶם תַּחַת הַתּוֹרָה׃

יט וְנוֹדָעִים הֵמָּה פָּעֳלֵי הַבָּשָׂר אֲשֶׁר הֵם נִאֻפִים זְנוּת טֻמְאָה וְזִמָּה׃

כ עֲבוֹדַת אֱלִילִים וּכְשָׁפִים אֵיבוֹת וּמַצָּה וְקִנְאָה וָרׂגֶז מְרִיבוֹת מַחֲלׂקוֹת וְכִתּוֹת׃

כא עַיִן רָעָה וָרֶצַח שִׁכָּרוֹן וְזוֹלֲלוּת וְדוֹמֵיהֶם אֲשֶׁר אׂמַר מַה־שֶּׁכְּבָר אָמַרְתִּי כִּי־עׂשֵׂי אֵלֶּה לׂא יִנְחֲלוּ מַלְכוּת הָאֱלׂהִים׃

כב וּפְרִי הָרוּחַ הוּא אַהֲבָה שִׂמְחָה וְשָׁלוֹם אׂרֶךְ רוּחַ וּנְדִיבוּת וְחֶסֶד וֶאֱמוּנָה׃

כג וַעֲנָוָה וּפְרִישׁוּת לְנֶגֶד עׂשֵׂי אֵלֶּה אֵין־תּוֹרָה׃

כד וַאֲשֶׁר הֵם לַמָּשִׁיחַ צָלְבוּ אֶת־בְּשָׂרָם עִם־תְּשׁוּקׂתָיו וְתַאֲוֹתָיו׃

כה אִם־נִחְיֶה בָרוּחַ נִתְהַלְּכָה גַּם־בָּרוּחַ׃

כו וְלׂא נִרְדּׂף אַחֲרֵי כְבוֹד־שָׁוְא לְהַכְעִיס אִישׁ אֶת־רֵעֵהוּ וּלְקַנֵּא אִישׁ אֶת־רֵעֵהוּ׃