Ephesians 4

א עַל־כֵּן אַזְהִירְכֶם אֲנִי הָאָסוּר בָּאָדוֹן לְהִתְהַלֵּךְ כַּאֲשֶׁר יָאֲתָה לְמִשְׁמַרְתְּכֶם אֲשֶׁר נִקְרֵאתֶם לָהּ׃

ב בְּכָל־נְמִיכוּת וַעֲנָוָה וּבְאׂרֶךְ רוּחַ לָשֵׂאת אִישׁ אֶת־רֵעֵהוּ בְּאַהֲבָה׃

ג וְשִׁקְדוּ לִשְׁמׂר אֶת־אַחֲדוּת הָרוּחַ בַּאֲגֻדַּת הַשָּׁלוֹם׃

ד גּוּף אֶחָד וְרוּחַ אֶחָד כַּאֲשֶׁר גַּם־נִקְרֵאתֶם בְּתִקְוַת מִשְׁמַרְתְּכֶם הָאֶחָת׃

ה אָדוֹן אֶחָד אֱמוּנָה אַחַת טְבִילָה אֶחָת׃

ו אֵל וְאָב אֶחָד לַכּׂל שֶׁהוּא עַל־כּׂל וְאֶת־כּׂל וּבְתוֹךְ כּׂל׃

ז אֲבָל לְכָל־אֶחָד וְאֶחָד מִמֶּנּוּ נִתַּן הֶחָסֶד כְּמִדַּת מַתְּנַת הַמָּשִׁיחַ׃

ח עַל־כֵּן הוּא אוֹמֵר עָלָה לַמָּרוֹם שָׁבָה שֶׁבִי וַיִּתֵּן מַתָּנוֹת לָאָדָם׃

ט וְעָלָה שֶׁאָמַר מַה־הוּא אִם־לׂא שֶׁיָּרַד מִקּׂדֶם לְתַחְתִּיּוֹת אָרֶץ׃

י הוּא הַיּׂרֵד וְהוּא הָעׂלֶה לְמַעְלָה מִכָּל־הַשָּׁמָיִם לְמַעַן יְמַלֵּא אֶת־הַכּׂל׃

יא וְהוּא נָתַן אֶת־אֵלֶּה שְׁלִיחִים וְאֶת־אֵלֶּה נְבִיאִים וְאֶת־אֵלֶּה מְבַשְׂרִים וְאֶת־אֵלֶּה רׂעִים וּמְלַמְּדִים׃

יב לְהַשְׁלִים אֶת־הַקְּדשִׁים לְמַעֲשֵׂה הָעֲבוֹדָה לְבִנְיַן גּוּף הַמָּשִׁיחַ׃

יג עַד כִּי־נַגִּיעַ כֻּלָּנוּ לְאַחֲדוּת הָאֱמוּנָה וְדַעַת בֶּן־הָאֱלׂהִים כְּאִישׁ אֶחָד שָׁלֵם לְשִׁעוּר קוֹמַת מְלוֹא הַמָּשִׁיחַ׃

יד וְלׂא־נִהְיֶה עוֹד יְלָדִים נִגְרָשִׁים וְנִדָּפִים בְּכָל־רוּחַ הַלִּמּוּד בְּתַרְמִית בְּנֵי אָדָם וּמׂקְשׁוֹתָם אֲשֶׁר שָׁתוּ לְהַתְעוֹת׃

טו כִּי אִם־נְדַבֵּר הָאֱמֶת בְּאַהֲבָה וְנִגְדְּלָה בְכָל־דָּבָר לוֹ לַמָּשִׁיחַ אֲשֶׁר הוּא הָרׂאשׁ׃

טז אֲשֶׁר מִמֶּנּוּ כָּל־הַגּוּף הַמֻּרְכָּב וּמְדֻבָּק בְּכָל־חִבּוּר הַשִּׁמּוּשׁ כְּמִדַּת הַכּׂחַ הַנָּתוּן לְכָל־אֵבָר וְאֵבָר יִרְבֶּה וְיִגְדַּל לְהַשְׁלָמַת בִּנְיָנוֹ בְּאַהֲבָה׃

יז וְהִנֵּה זׂאת אֲנִי אׂמֵר וּמֵעִיד בָּאָדוֹן כִּי מֵעַתָּה לׂא־תֵלְכוּ עוֹד כְּיֶתֶר הַגּוֹיִם הַהׂלְכִים בְּהַבְלֵי שִׂכְלָם׃

יח חֲשֻׁכֵי הַדַּעַת וּמוּזָרִים לְחַיֵּי אֱלׂהִים מִפְּנֵי אִוַּלְתָּם אֲשֶׁר בָּהֶם כִּי־טַח מֵהַשְׂכִּיל לְבָבָם׃

יט אֲשֶׁר הִשְׁמִינוּ וַיִּתְּנוּ אֶת־נַפְשָׁם לַזִּמָּה לַעֲשׂוֹת כָּל־תּוֹעֵבָה לִבְצׂעַ בָּצַע׃

כ וְאַתֶּם לׂא כֵן לְמַדְתֶּם אֶת־הַמָּשִׁיחַ׃

כא אִם־אָמְנָם שְׁמַעְתֶּם אׂתוֹ וּבוֹ לֻמַּדְתֶּם כְּפִי הָאֱמֶת אֲשֶׁר בְּיֵשׁוּעַ׃

כב לָסוּר מִדַּרְכֵיכֶם הָרִאשׁׂנִים וְלִפְשׁׂט אֶת־הָאָדָם הַיָּשָׁן הַנִּשְׁחָת בְּתַאֲוֹת רְמִיָּה׃

כג לְהִתְחַדֵּשׁ בְּרוּחַ שִׂכְלְכֶם׃

כד וְלִלְבּשׁ אֶת־הָאָדָם הֶחָדָשׁ הַנִּבְרָא כִּדְמוּת אֱלׂהִים בִּצְדָקָה וּקְדֻשַּׁת הָאֱמֶת׃

כה עַל־כֵּן הָסִירוּ מִכֶּם אֶת־הַשֶּׁקֶר וְדַבְּרוּ אֱמֶת אִישׁ אֶת־רֵעֵהוּ כִּי אֵבָרִים אֲנַחְנוּ אִישׁ לְאָחִיו׃

כו רִגְזוּ וְאַל־תֶּחֱטָאוּ וְלׂא תָבֹא הַשֶּׁמֶשׁ עַל־רָגְזְכֶם׃

כז וְאַל־תִּתְּנוּ מָקוֹם לַשָׂטָן׃

כח מִי שֶׁגָּנַב אַל־יׂסֶף לִגְנׂב כִּי אִם־יִיגַע וּבְיָדָיו יַעֲשֶׂה אֶת־הַטּוֹב לְמַעַן יִהְיֶה־לּוֹ לָתֵת לְאִישׁ מַחְסוֹר׃

כט וְלׂא־יֵצֵא מִפִּיכֶם כָּל־דְּבַר נִבּוּל כִּי אִם־הַטּוֹב וְהַמּוֹעִיל לִבְנוֹת לְפִי הַצּׂרֶךְ לְמַעַן יִתֵּן חֵן לְשׁׂמְעָיו׃

ל וְלׂא תְעַצְּבוּ אֶת־רוּחַ הַקּׂדֶשׁ שֶׁל־אֱלׂהִים אֲשֶׁר נֶחְתַּמְתֶּם בּוֹ לְיוֹם הַגְּאֻלָּה׃

לא כָּל־מְרִירוּת וְחֵמָה וָרׂגֶז וּצְעָקָה וְגִדּוּף תָּסִירוּ מִכֶּם עִם כָּל־הָרִשְׁעָה׃

לב וִהְיוּ טוֹבִים אִישׁ לְרֵעֵהוּ וְרַחֲמָנִים וְנׂשְׂאִים אִישׁ לְחַטַּאת אָחִיו כַּאֲשֶׁר נָשָׂא לָכֶם הָאֱלׂהִים בַּמָּשִׁיחַ׃