1Peter 4

א וְעַתָּה כַּאֲשֶׁר עֻנָּה הַמָּשִׁיחַ בַּעֲדֵנוּ בַּבָּשָׂר כֵּן הֱיוּ גַם־אַתֶּם מְזֻיָּנִים בַּדַּעַת הַהִיא כִּי הַמְעֻנֶּה בַבָּשָׂר חָדַל לַחֲטוֹא׃

ב לְמַעַן אֲשֶׁר לׂא תִחְיוּ עוֹד לְתַאֲוֹת בְּנֵי אָדָם כִּי אִם־לִרְצוֹן אֱלׂהִים כָּל־יְמֵי הֱיׂתְכֶם עוֹד בַּבָּשָׂר׃

ג כִּי רַב לָנוּ עֲשׂוֹת כְּחֵפֶץ הַגּוֹיִם בַּיָּמִים הָרִאשׁׂנִים יְמֵי לֶכְתֵּנוּ בְּדַרְכֵי זִמָּה וּבְתַאֲוֹת כְּסׂבְאֵי יַיִן וְזׂלֲלֵי בָשָׂר וְרׂדְפֵי שֵׁכָר וְתוֹעֲבוֹת עֲבֹדַת הָאֱלִילִים׃

ד וְעַל־זׂאת תְּמֵהִים הֵמָּה וּמְגַדְּפִים כִּי לׂא־תָרוּצוּ עִמָּהֶם לִהְיוֹת שְׁטוּפִים בְּזִמָּה כְּמוֹהֶם׃

ה אֲשֶׁר יִתְּנוּ חֶשְׁבּוֹן לִפְנֵי הֶעָתִיד לִשְׁפּׂט הַחַיִּים וְהַמֵּתִים׃

ו כִּי עַל־כֵּן הִתְבַּשְׂרוּ גַּם־הַמֵּתִים לְמַעַן יִדּוֹנוּ בַבָּשָׂר כִּבְנֵי־אָדָם וְיִחְיוּ בָּרוּחַ כְּדֶרֶךְ אֱלׂהִים׃

ז הֵן קֵץ הַכּׂל קָרֵב לָכֵן הֱיוּ צְנוּעִים וְעֵרִים לְהִתְפַּלֵּל׃

ח וְקׂדֶם כָּל־דָּבָר אֶהֱבוּ אִישׁ אֶת־אָחִיו אַהֲבָה עַזָּה כִּי עַל־רׂב פְּשָׁעִים תְּכַסֶּה הָאַהֲבָה׃

ט הֱיוּ מְאָרֲחִים אִישׁ אֶת־רֵעֵהוּ בִּבְלִי תְלֻנּוֹת׃

י אִישׁ אִישׁ כְּמַתַּן הַחֶסֶד אֲשֶׁר קִבֵּל תַּעַזְרוּ אִישׁ לְרֵעֵהוּ כְּסׂכְנִים מְמֻנִּים עַל־חַסְדֵי אֱלׂהִים הָרַבִּים׃

יא הַמְדַבֵּר יְדַבֵּר אִמְרֵי־אֵל וְהָעׂזֵר יַעֲזׂר מִתּוֹךְ הַחַיִל אֲשֶׁר חֲנָנוֹ אֱלׂהִים לְמַעַן יִכָּבֵד אֱלׂהִים בַּכּׂל עַל־יְדֵי יֵשׁוּעַ הַמָּשִׁיחַ אֲשֶׁר לוֹ הַכָּבוֹד וְהָעׂז לְעוֹלְמֵי עוֹלָמִים אָמֵן׃

יב חֲבִיבַי בְּבֹאֲכֶם בְּתוֹךְ כּוּר עֳנִי לְמַעַן נַסּׂתְכֶם אַל־נָא תִתְמָהוּ כְּאִלּוּ קָרָה אֶתְכֶם מִקְרֶה זָר׃

יג כִּי אִם־שִׂמְחוּ עַל־אֲשֶׁר חֵלֶק לָכֶם בְּעִנּוּיֵי הַמָּשִׁיחַ לְמַעַן גַּם־תִּשְׂמְחוּ וְתַעַלְצוּ בְּהִגָּלוֹת כְּבוֹדוֹ׃

יד אִם־יְחָרֲפוּ אֶתְכֶם לְמַעַן־שֵׁם הַמָּשִׁיחַ אַשְׁרֵיכֶם כִּי נָחָה עֲלֵיכֶם רוּחַ הַכָּבוֹד (וְהַגְּבוּרָה) רוּחַ אֱלׂהִים (אֶצְלָם מְנּׂאָף הוּא וְאֶצְלְכֶם נִכְבָּד)׃

טו כִּי אַל־יְעֻנֶּה אִישׁ מִכֶּם כְּרׂצֵחַ אוֹ כְגַנָּב אוֹ־כְפׂעֵל אָוֶן אוֹ־כְנִכְנָס בִּתְחוּם שֶׁאֵינוֹ שֶׁלּוֹ׃

טז וְכִי־יְעֻנֶּה כְּאַחַד הַמְּשִׁיחִיִּים אַל־יֵבוֹשׁ כִּי אִם־יוֹדֶה לֵאלׂהִים עַל־הַדָּבָר הַזֶּה׃

יז כִּי עֵת הָחֵל הַמִּשְׁפָּט מִבֵּית אֱלׂהִים וְאִם־מִמֶּנּוּ רִאשׁׂנָה מַה־תִּהְיֶה אַחֲרִית הַמַּמְרִים אֶת־בְּשׂוֹרַת אֱלׂהִים׃

יח הֵן צַדִּיק כִּמְעַט לׂא יִוָּשֵׁעַ אַף כִּי־רָשָׁע וְחוֹטֵא׃

יט לָכֵן גַּם־הַמְעֻנִּים כִּרְצוֹן אֱלׂהִים יַפְקִידוּ אֶת־נַפְשׁׂתֵיהֶם בְּיַד אֱלׂהִים הַבֹּרֵא הַנֶּאֱמָן וְיוֹסִיפוּ לַעֲשׂוֹת הַטּוֹב׃