2Corinthians 12

א אָמְנָם נִצְרַכְתִּי לְהִתְהַלֵּל וְאַף כִּי לׂא יוֹעִיל אָבוֹא לְמַרְאוֹת הָאָדוֹן וְחֶזְיׂנוֹתָיו׃

ב יָדַעְתִּי אִישׁ בַּמָּשִׁיחַ אֲשֶׁר לֻקַּח עַד־לָרָקִיעַ הַשְּׁלִישִׁי זֶה אַרְבַּע־עֶשְׂרֵה שָׁנָה אִם־בַּגּוּף לׂא יָדַעְתִּי אוֹ־מִחוּץ לַגּוּף לׂא יָדַעְתִּי הָאֱלׂהִים יוֹדֵעַ׃

ג וְהָאִישׁ הַהוּא אִם־בַּגּוּף אוֹ־חוּץ לַגּוּף לׂא יָדַעְתִּי הָאֱלׂהִים יוֹדֵעַ׃

ד הׂעֲלָה אֶל־הַפַּרְדֵּס וַיִּשְׁמַע דְּבָרִים נִסְתָּרִים אֲשֶׁר נִמְנָע מֵאִישׁ לְמַלֲלָם׃

ה בְּאִישׁ כָּמוֹהוּ אֶתְהַלֵּל אֲבָל בְּעַצְמִי לׂא אֶתְהַלֵּל זוּלָתִי בְּחֻלְשׁוֹתָי׃

ו וְאִלּוּ־חָפַצְתִּי לְהִתְהַלֵּל לׂא־אֶהְיֶה סָכָל לְפִי שֶׁאֱמֶת אֲדַבֵּר אֶלָּא אֶתְאַפַּק שֶׁלּא־יַחְשְׁבֵנִי אִישׁ יוֹתֵר מִמַּה־שֶּׁיִּרְאֶה בִי אוֹ שֶׁיִּשְׁמַע מִמֶּנִּי׃

ז וּלְמַעַן אֲשֶׁר לׂא אֶתְרוֹמֵם בְּרָב־גּׂדֶל הַחֶזְיׂנוֹת קוֹץ נִתַּן־לִי בִּבְשָׂרִי מַלְאָכוֹ שֶׁל־הַשָּׂטָן לְהַכּׂתֵנִי בְּאֶגְרוֹף לְמַעַן לׂא אֶתְרוֹמָם׃

ח עַל־זׂאת הִתְחַנַּנְתִּי שָׁלשׁ פְּעָמִים אֶל־הָאָדוֹן לַהֲסִירוֹ מִמֶּנִּי׃

ט וַיּׂאמֶר אֵלַי דַּיֲֶָּ חַסְדִּי כִּי בַּחֻלְשָׁה תֻּשְׁלַם גְּבוּרָתִי עַל־כֵּן שָׂמַח לִבִּי לְהִתְהַלֵּל בְּחֻלְשׁוֹתַי לְמַעַן תִּשְׁרֶה עָלַי גְּבוּרַת הַמָּשִׁיחַ׃

י לָכֵן רָצְתָה נַפְשִׁי בְּחֻלְשׁוֹת וּבַחֲרָפוֹת וּבְצָרוֹת וּבִרְדִיפוֹת וּבִמְצוּקוֹת לְמַעַן הַמָּשִׁיחַ כִּי־כַאֲשֶׁר חָלַשְׁתִּי אָז גִּבּוֹר אָנִי׃

יא סָכָל הָיִיתִי בְּהִתְהַלֲלִי אַתֶּם הִכְרַחְתֶם אׂתִי תַּחַת אֲשֶׁר־הָיָה עֲלֵיכֶם לְהַזְכִּירֵנִי לָשֶׁבַח כִּי לׂא־נׂפֵל אָנׂכִי מִן־הַשְּׁלִיחִים הַגְּדוֹלִים עַד־מְאׂד אַף כִּי־כְאַיִן אָנׂכִי׃

יב הֵן־אׂתוֹת הַשָּׁלִיחַ נַעֲשׂוֹוֹ בְקִרְבְּכֶם בְּכָל־סַבְלָנוּת בְּאׂתוֹת וּבְמוֹפְתִים וּבִגְבוּרוֹת׃

יג כִּי־בַמֶּה נִגְרַעְתֶּם מִן־הַקְּהִלּוֹת הָאֲחֵרוֹת אִם־לׂא בַּאֲשֶׁר לׂא הֶלְאֵיתִי אֶתְכֶם סִלְחוּ־נָא לִי אֶת־הָעַוְלָה הַזּׂאת׃

יד הִנְנִי מוּכָן לָבוֹא אֲלֵיכֶם פַּעַם שְׁלִישִׁית וְלׂא אַלְאֶה אֶתְכֶם כִּי לׂא אֲבַקֵּשׁ אֵת אֲשֶׁר לָכֶם כִּי אִם־אֶתְכֶם כִּי הַבָּנִים אֵינָם חַיָּבִים לֶאֱצׂר אוֹצָרוֹת לַאֲבוֹתָם כִּי אִם־הָאָבוֹת לִבְנֵיהֶם׃

טו וַאֲנִי בְּכָל־חֵפֶץ לְבָבִי אֲפַזֵּר וְגַם אֲפֻזַּר בְּעַד נַפְשׁוֹתֵיכֶם אַף אִם־תַּמְעִיטוּ לְאַהֲבָה אׂתִי תַּחַת אַהֲבָתִי לָכֶם הַיְתֵרָה כָּל־כָּךְ׃

טז אֲבָל אִם־הַדָּבָר כֵּן וַאֲנִי לׂא הִכְבַּדְתִּי עֲלֵיכֶם אוּלַי כְּאִישׁ עָרוּם בְּמִרְמָה לָכַדְתִּי אֶתְכֶם׃

יז הַאַף הוֹנֵיתִי אֶתְכֶם בְּיַד־אֶחָד מִשְּׁלוּחַי אֲלֵיכֶם׃

יח בִּקַּשְׁתִּי מִן־טִיטוֹס וְשָׁלַחְתִּי אִתּוֹ אֶת־הָאָח הֲהוֹנָה אֶתְכֶם טִיטוֹס הֲלׂא בְּרוּחַ אֶחָד הִתְהַלַּכְנוּ הֲלׂא בְּמַעְגָּל אֶחָד׃

יט הַעוֹד תּׂאמְרוּ שֶׁמִּתְנַצְּלִים אֲנַחְנוּ לִפְנֵיכֶם לׂא כִּי־לִפְנֵי הָאֱלׂהִים נְדַבֵּר בַּמָּשִׁיחַ וּלְמַעַן תִּבָּנוּ חֲבִיבָי׃

כ כִּי יָרֵא אָנׂכִי פֶּן־אָבֹא וְלׂא־אֶמְצָא אֶתְכֶם כִּלְבָבִי וְלׂא־אֶמָּצֵא לָכֶם כִּלְבַבְכֶם פֶּן אֶמְצָא בָכֶם מַצָּה וְקִנְאָה וָרׂגֶז וּמְרִיבוֹת וְדִבָּה רָעָה וּרְכִילוּת וְגֵאוּת וּמְבוּכָה׃

כא פֶּן־יַשְׁפִּילֵנִי אֱלׂהַי אֶצְלְכֶם בְּשׁוּבִי לָבוֹא וְאֶתְאַבֵּל עַל־רַבִּים אֲשֶׁר־חָטְאוּ כְבָר וְלׂא שָׁבוּ מִן־הַטֻּמְאָה וּמִן־הַזְּנוּת וּמִן־הַזִּמָּה אֲשֶׁר עָשׂוֹוֹ׃